شجرة التفاح للشاعر برهان العراقي

يبوعيون الخضر يل شعرك اشگر حيل
خـــذت مـن لـون رمـشك لونها الحـنطة
مــلامح وجنــتك چــن رسـم مرسومات
وتــفاصيلك دقـــيقة ومـــاشفت غــــلطة
تـدري مــنين تاخذ خبطة هــاي الناس؟
مـــن اورود خـــدك تـــاخـــذ الخــــبطة
لمــــن جيت تمشي إنت ودخلت السوگ
الخــلگ شــبت عليك وصارت الورطة
والشـــرطة اجـــت تحــجز بديها الناس
ومن شافوك تمــــشي بمــــشيت البــطة
كــــل الشـــرطة اجــو تايحظنونك حيل
وعلـــيك النـــاس گامـت تحجز الشرطة
صعـــدت الضــغــط عـند الخلگ يازين
والدكـــتور شــافــك وارتـــفع ضــغــطه
وبــگـــلب الطـــوارئ غـــفل مـن طبيت
اشــو گـــلب الطــوارئ صار بي جلطة!
شِــرط كــاظم الساهر عل تحــبه هـواي
ومــن شافــك تــراجـــع وانــتحر شرطه
وبــنت (وهبي) وحسنها وكــل الكـلاوات
تتـــمنى تــصــــير بـــرگـــبــتك ربـــطة

مـــر مــاينــجــرع زيــتون بــاقي الناس
ليـــــش إنــت عســل مـتروس زيـتونك؟
وإذا خــصــرك شــبر ومـتونك اولايات!
گـــلي شــلــون خـــصر شــايـل مـتونك؟
عـــايــن عل خـــلگ ياشـــجـرة التـــفاح
كــلها تــريــد تــعرف طــعـمك ولــونــك
يــذبــولك غـــزل كــلها اتـــحـرش بــيك
ويــاريـــت البـــشر بـــس هـمه يردونك!
شــجــر طـــير وجـــماد يــغازلـونك دوم
حـــتى بهالــغــزل بلـــكــت يضحكــونـك
مـــوغــاية عـــلاقــة الغــاية تعرف ليش؟
لـــجل بـــس تــبتـــسم وتــطلع ســنونــك
آنـه بهــــاي عيـــني لمــحت كــوم اتراب
صـــار إلســـان عــنــده وگـــلك شـــلونك
مـــاشايـــف جــسم معـــجب بنـفسه هواي
بـــس جسمـــك يل ابـيـض صار مجـنونك
گــلبك حــتى گــلـبك هــذا ابـوالحــصــنان
يـنـبـض چـي حـويـته ويــگـف مـن دونـك
ولإن جفــنك عــبارة عــن گــشر بلـــــوط
إلي يشــوفـــك يــريــد ايــچـــرز جـفــونك
ومـن گـد مـاهـي خـضرة عـيونك الحلوات
احــس غــابــة نــخل مــزروعــة بــعيونك
ومـــو طــمـــع بـنـفـطـنا جــو الأمــريكان
سمــعــو بــيك حــلـــو وجـــو يــشـوفـونك
ــــــــــــــــــــــ
بـــصدرك گـــلي تـــشهگ ياهـوى انته؟
حــــتى اعـــرف دليـــــلي يـــاهي ونــته
گــــمر لـــوبـــشر خـــايــب ياهــو إنــته
أخـــاف إنـــت الگــمر وتـــظم عـــلية؟!

للشاعر برهان العراقي