كايد زائر
| موضوع: تجمع شتاتك بالورق و الدفاتير .. مصافحة اخرى من كتاباتي الجمعة يوليو 25, 2008 11:49 am | |
| شخص دزلي جم بيت منها :
تعبت ادور للفراق المعاذير ... و تعبت احاكي مرقدي و الوساده
القصه انه كان مجافي حبيبته و هي تحاول ترد العلاقه فلما حس انها فقدها رد يتصل فيها و لكنها جازته بالصدود و دزلي قصيدة فيها هالبيت و رديت عليه بهذي القصيدة :
تجمع شتاتك بالورق و الدفاتير و دمع القلم تشكي الدفاتر سواده
وش عذرها الريشه بطعن المحابير ما عذرها إلانك تخط النكاده
وش ذنب جدرانك بطعن المسامير ما ذنبها الا صورته و ابتعاده
تخنقك عبره .. و العزا للتعابير ماتت قبل تاتي لحاف المهاده
كذا هجاد الشوق .. و للدمع تبرير تبريرها دفع البلا من هجاده
القاع تشره لا تمن التماطير و العين ما تقصر برش الوساده
و كانك تدور للفراق المعاذير؟ العذر عندي و الدليل استناده
بين الحقوق و الواجبات المحاذير نقطه .. و اظنها تستحق الإشاده
تزرع " جفا " .. و اتقول يالله عسى خير ؟ ما تدري ان " فرقاه " مجنا حصاده؟
ما يحق لمجافي يغني "مقادير" و تحق للوافي لا مل اضطهاده
و الصبر في بعض السوالف غطا البير و الياس دلوه .. و الحبال انتقاده
" تكبر و تنسى" .. و السيوف المشاطير تضرب .. و كل سيفن مصيره غماده
ضمد جروحك .. قولها " خير يا طير " صاحب و اقفى وللجروح الضماده
و ان هاضت اشجونك ! ولا عينت خير ! غني " حياتي كلها صبر و جلاده " اخوكم : كايد |
|
الورده السامه مدير عام
المساهمات : 49 تاريخ التسجيل : 23/07/2008 العمر : 39
| موضوع: رد: تجمع شتاتك بالورق و الدفاتير .. مصافحة اخرى من كتاباتي الجمعة يوليو 25, 2008 2:03 pm | |
| ياشغف الهمس .. وسمو الأخلاق .. وندى الحرف ..
هو من شيم حرفك البهي ..
ورقيق حسك الندي ...
وروعة نبض قلمك العذب الغالي على قلبي ..
لكي أخـــي من اعماق قلبي ..
أرق تحية وأعبق أمنية بأن يحفظ الخالق روحك البهية ندية نقية ..
دمت بخير وسعاده
تحيــــاتــــي ,.. | |
|